Skip to main content

Разговор и презентација на видео делата на Верица Ковачевска во разговор со кураторката Јованка Попова

Registrations have closed.
Разговор и презентација на видео делата на Верица Ковачевска во разговор со кураторката Јованка Попова

Разговор и презентација на видео делата на Верица Ковачевска во разговор со кураторката Јованка Попова

by
1001 1001 people viewed this event.
Во среда, 9 декември, од 18 до 19 часот, имаме чест да ве поканиме на видео скрининг и дискусија со визуелната уметница Верица Ковачевска во разговор со кураторката Јованка Попова.
Избранитевидео дела што ќе бидат претставени и дискутирани се осврнуваат на главните преокупации во уметничката пракса на Ковачевска, односно на врската помеѓу перформансите и видео-уметноста.
Листа на видеа:
– I Must Be (2003), video performance, 2:20 min (shortened)
– The Artist (2013), video, 2:12min
– Power Tower (2010), video documentation, 9:49min
– The House We Grew Up In (2017), video documentation, 7:43 min
– The Last Flight (2020), video, 3:13min
Настанот ќе биде пренесуван во живо на Фб страницата на Јадро. Истиот е организиран од КСП Центар-Јадро како дел од програма „Видео уметници од Македонија и регионот“.
Програмата „Видео уметници од Македонија и регионот“се реализира со финансиска поддршка на Швајцарската амбасада во Република Северна Македонија #CHinMK и @Министерство за култура.
.
Верица Ковачевска (1982, Скопје) е уметница која живее и работи во Цирих.
Нејзиниот уметнички процес се заснова и на истражување и на лично искуство. Таа користи различни медиуми (перформанси, видео, фотографија, нови медиуми) за да ја ангажира публиката со нејзината работа и (јавниот) простор каде што се создава делото. Дипломирала на отсекот за визуелни уметности, театар и перформанс на Универзитетот во Плимут (Велика Британија) и магистрирала на отсекот за уметност, култура и образование на Универзитетот во Кембриџ (Велика Британија).
Нејзините дела се претставени на бројни меѓународни изложби, вклучително и Манифеста 11 (Цирих); Други можни светови, казино Луксембург (Луксембург); re.act.feminism, Akademie der Künste (Берлин); 4. Московско биенале (Москва); 255 804 км2, Месна Галерија (Љубљана); и Nonplaces, Музеј на современа уметност (Белград). Селектирани самостојни изложби: Двe и пол соби, Национална галерија на Македонија (Скопје). Добитник е на стипендијата Werkstipendium der Stadt Zurich- Цирих 2017 и Награда за млади визуелни уметници ДЕНЕС 2018 во Северна Македонија.
За повеќе детали, ве молиме, видете на https://www.kovacevska.net/
Јованка Попова (1980, Скопје) е куратор во Музејот на современата уметност – Скопје и куратор и програмски координатор на Проектниот простор „Прес ту егзит“. Докторант на Факултетот за медиуми и комуникации СИНГИДУНУМ во Белград. Магистрирала на Институтот за Историја на уметноста, насока – современа уметност на Филозофскиот факултет во Скопје. Работела на повеќе домашни и интернационални кураторски проекти. Во 2019 била куратор на северно македонскиот павилјон на 58. Венециско биенале. Како дел од програмата на неколку меѓународни конференции и симпозиуми одржала презентации и предавања на Humboldt University Берлин, Goethe University, Франкфурт, Central European University, Будимпешта, Hankuk University of Foreign Studies, Seoul, Kunsthistorisches Institut, Фиренца; Norwegian University of Science and Technology, Трондхејм, Bahcesehir University, Истанбул итн. Претседател е на AICA Македонија – здружение на ликовни критичари, историчари на уметноста и кустоси кои дејствуваат на полето на модерната и современа уметност.

Additional Details

Project Title -

Project -

 

Date And Time

2020-12-09 @ 18:00 to
2020-12-09 @ 19:00
 

Location

Online event
 

Event Category

Share With Friends