Skip to main content

Историјат

ЈАДРО – Асоцијација на независната културна сцена, во 2015 година отпочна иницијатива за формирање мешовита установа, хибридна институција, која ќе биде првиот пример за јавно-цивилно партнерство.

Со оваа иницијатива сакавме да иницираме и процес на редефинирање на економските, политичките, културните и останатите потреби на секторот, но и функциите и структурите инхерентни на промената на политичкиот дискурс, кој гарантира поголем демократски капитал.

Идејата за КСЦ „Центар-Јадро“ настана од потребата заместо, фокус, каде што слободно ќе се изразува урбаниот живот, современите социокултурни практики, простор штоќе создава автономни, самоорганизирани содржини, содржини штоќе го артикулираат нашиот урбан, интелектуален, критички и творечки капитал. Институција што ќе покаже стабилна, автономна константа на развиток.

Физичкиот простор во материјалната структура на градот секогаш претставува важна, но и невралгична точка на секое културно и уметничко настојување. Тој има и исклучително битна улога на симболичко рамниште, односно во производството и комуницирањето на значењата штоциркулираат во динамичната промена на општествените и политичките текови.

Новиoт модел на институцијата што го предложивме е од значење за културниот развој, но и за образованието, развојот на критичката култура и новите облици на создавање социокултурни заедници. Ваквиот вид установи на нов начин му пристапуваат на просторот и на начинот на неговото користење, неговото програмирање (разноликост, инклузивност, а не единственост, униформност и ексклузивност) и, пред сè, тие промовираат нов модел на управување, кој подразбира соработка, заедништво, јавна одговорност, а кој води кон предзнакот на демократски управувачки модел.

Овој модел е втемелен на партнерство помеѓу локалната власт и граѓанската мрежа, составена од организации, поединци и неформални групи. Со ваквиот модел настанува суштинска децентрализација на моќта и обезмоќување на досегашните практики на партиски влијанија. Тоа е единстевниот пат кон создавање организациска и програмска автономија во дејствувањето во сферата на културата во рамки на граѓанскиот сектор, но и пошироко.

КСЦ „Центар-Јадро“ беше основана во октомври 2016 година, а во 2019 година започнува со работа во просториите на Месната заедница „Дане Крапчев“ во Општина Центар.

Настанот за официјалното отворање на Културно-социјалниот простор „Центар -Јадро“ (КСП „Центар-Јадро“) се одржa на 7 октомври 2020 г., со почеток во 11:00 часот, пред просториите на центарот (ул. Алберт Ајнштајн бр.2, 1000 Скопје, РСМ).

HISTORY

In 2015, the JADRO Association of the independent culture scene started an initiative for establishing a hybrid institution that is to be the first example of a working civic-public partnership.

With this initiative our aim was to not only redefine the economic, political, cultural and other needs of the independent culture sector but to also take on the structures that are inherently tied to the change of political discourse needed to give the independent culture sector more democratic capital.

The idea for the SCS Centar-Jadro was born from the need to have a focal point, to have a space where urban life and contemporary socio-cultural practices could be freely expressed, a space that would facilitate autonomous, self-organizing programs, programs that reflect our urban, intellectual, critical, and creative capital. In other words, an institution that would have the capacity for stable and autonomous development.

A physical space in the actual material structure of the city represents an important neuralgic focal point of every attempt in art and culture. It has a crucial role on a symbolic level, that is, in the production and communication of the meaning that circulates in the dynamic flux of social and political trends.

This new type of institution that we conceptualized is important not only for the development of culture and critical thinking in the country, but also for the education and establishment of new forms of socio-cultural communities. This type of institution would approach space in a whole new way and redefine the way we use it and the way we curate it – with diversity and inclusivity rather than with homogeneity, uniformity and exclusivity. Above all, it would promote a new management model that embraces collaboration, unity, and public responsibility, and that capitalizes on the strengths of the democratic model of governance.

This type of institution relies on the partnership between the local government and the civil network made up of NGOs, individuals, and informal groups. Its aim is to decentralize power and to weaken the existing practices tainted by party influence. That is the only approach that can pave the way to organizational and program autonomy in the field of culture, within the civil society sector and beyond.

SCS Centar-Jadro was founded in October, 2016 and opened for business in 2019, on the premises of the Dane Krapcev community buildings in the Centar municipality in Skopje.