
Детско ликовно студио | Автор и ментор – Доротеј Нешовски
Детско ликовно студио
Автор и ментор – Доротеј Нешовски
Детското ликовно студио е училиште за цртање, сликање и рекреација по утврдена програма, која овозможува постапно и темелно запознавање со тајните на цртачките и сликарските техники во креативна атмосфера.
Работилниците ќе се одвиваат во просторот на КСП Центар-Јадро преку примена на игра, социјални концепции, дизајн, размислување, идеја, креативна емпатија, решавање проблеми, создавање и печатење дела, проектирање уметнички дела и нивно перципирање, инспирирање, обработки и анализа, дискутирање со цел да се запознаат со уметноста и дизајнот, нејзините карактеристики и техниките, нивната употреба и откривање на традиционалните и современите техники на сликање и процеси на работа преку забавни и иновативни содржини. Часовите ги води дипломираниот уметник Доротеј Нешовски.
Детското ликовно студио е наменето за деца од 5 до 12 години, во повеќе групи, а пријавата е задолжителна на: [email protected].
Доротеј Нешовски (1989) е интердисциплинарен уметник кој се занимава со концептите за креативна спонтаност, ликовнa артикулација, социјална инклузија, педагогија и апстрахирање на релацијата галерија-публика-уметник чии интереси вклучуваат партиципативни активности, методологии на мапирањe и резонантност, вониституционално делување, истражувачки практики и детска едукација. Од 2012 година тој е еден од основачите и член на уметничката група „ЅЕЕ“ со која има реализирано повеќе проекти. Нешовски дипломирал на Факултетот за ликовни уметности во Скопје на отсекот за вајарство со под насока сценографија (2012 г.). Неговата книга „Уметноста не е тоа што сакате“, издание на Priaveteprint од Скопје, излезе од печат во 2017. Живее и работи во Скопје. Од 2015 активно ги организираше и конципираше детските работилници во Детскиот креативен центар при МКЦ.
Additional Details
Project Title -
Project -