Skip to main content

Вештини за оживување | Видео проекција и презентација на проектот на Клелија Живковиќ

Registrations have closed.
Вештини за оживување | Видео проекција и презентација на проектот на Клелија Живковиќ

Вештини за оживување | Видео проекција и презентација на проектот на Клелија Живковиќ

by
1605 1605 people viewed this event.

Вештини за оживување

Видео проекција и презентација на проектот
на Клелија Живковиќ
30 мај (четврток) | 20.00 часот

„Вештини за оживување“ е партиципативен уметнички проект и метод чија авторка е Клелија Живковиќ, а учесници и ко-автори се Никола Игновски, Христина Крстевска, Крсто Глигорјадис и Магдалена Таневска. Во текот на изминативе три месеци, петчлениот тим го истражуваше сопственото и колективното оживување преку методи инспирирани од изведувачките уметности. Секој од членовите на тимот дефинираше своја „вештина за оживување“ – одлука, избор или дозвола да ја напушти состојбата на преживување и целосно и бунтовно да оживее. Отфрлајќи ја заблудата дека да бидеме живи значи да се чувствуваме добро, се поддржуваме едни со други и си овозможуваме да чувствуваме сѐ, згрижени во нашата безбедна заедница.

Оживувањето, како вродена карактеристика на живиот свет, е нешто што нѐ обединува нас луѓето со остатокот од живиот свет. Во сегашноста натежната од неправди, насилство и експлоатација, нашата цел е да ги прикажеме овие вештини за оживување како избори кои може секој да ги адаптира на своите можности и потреби и, спротиставувајќи им се на насилните и опресивните системи, да ги преземе како чекор кон светот кој оживува.

Краткиот филм кој произлезе од истражувачкиот процес премиерно ќе биде прикажан во КСП Центар-Јадро на 30.5.2024 во 20.00 часот.

Овој проект се реализира од месец јануари до мај во рамки на програмата Артс Хаб, на КСП Центар- Јадро, а се остварува со финансика поддршка на Фондацијата Отворено општество – Македонија.

Клелија Живковиќ (1989) е трансдисциплинарна дизајнерка од Скопје. Таа ја истражува улогата на дизајнот во обликувањето на општествената и еколошката реалност преку применување на прототипирањето како истражувачки и продукциски формат. Нејзиниот последен проект „Прототипирање на нежноста: личен запис од светот во изумирање“, уметничка книга и изложба поддржани од Студио Приватен Принт, го документира нејзиниот увид во нежноста како квалитет на граница помеѓу две битија, битие и опкружувањето итн. Во 2022 година АИКА Македонија ѝ ја додели наградата „Ладислав Баришиќ“, за нејзиниот истражувачки проект „Дизајн за оживување“, кој ги мапира современите дизајн практики и интерсекционалната екологија кон развивање на дизајн методологија која се занимава со светот обликуван од широката потрошувачка и исцрпувачка на ресурси.

Additional Details

Project Title -

Project -

 

Date And Time

2024-05-30 @ 20:00 to
2024-05-30 @ 22:00
 

Location

-
 

Event Category

Share With Friends