Во овој меѓународен проект, во кој ЈАДРО – Асоцијација на независната културна сцена е националниот партнер од С. Македонија, а чиј водечки партнер е Кооператива – регионална платформа за култура, КСП Центар-Јадро учествува во работниот пакет бр. 5, наменет за програмска размена и соработка помеѓу центрите на независната култура од регионот. Проектот се надоврзува на постојните искуства и соработки и дополнително ја развива регионалната и европската размена. Се стреми кон развивње динамична шема за уметничка размена помеѓу културните центри од регионот, истовремено создавајќи знаење засновано на претходни искуства на тема нови хоризонтални и партиципативни модели на работа, со акцент на градење на капацитетите и вештините на уметниците и културните оператори кои дејствуваат регионално и меѓународно, како и зголемување на видливоста на регионалната соработка на локално и на европско ниво.
Партнери:
- Kooperativa – regional platform for culture, Хрватска
- Anibar, Косово
- Društvo Asocijacija, Словенија
- Asocijacija Nezavisna kulturna scena Srbije (NKSS), Србија
- ЈАДРО-Асоцијација на независна културна сцена, Северна Македонија
- Savez udruga Operacija grad, Хрватска
- Omladinski kulturni centar Abrašević, Босна и Херцеговина
