Јадро – Асоцијација на независна културна сцена издаде документот за јавни политики „Националните финансиски политики во културата “ во авторство на еконмскиот истражувач Бранимир Јовановиќ.
Јадро – Асоцијација на независната културна сцена, како актер кој веќе 10 години будно следи и се застапува за подобрување на условите на независната културна сцена, го издаде овој документ за јавни политики со кој се анализира државното финансирање во културата со цел појасно застапување за достоинствени средства за вложување во одржувањето на независната културна сцена. Првиот дел од документот е посветен на анализа на државните буџети за култура, додека вториот се фокусира на годишните конкурси за финансирање на проекти од национален интерес во културата за 2021 и 2022 година.
Публикацијата посочува во кои аспекти од финансирањето државата потфрла и кои се следните чекори што треба да се преземат за надминување на критичната состојба во независниот културен сектор, кој се наоѓа во трајно прекарна состојба.
Електронската верзија од „Националните финансиски политики во културата “ во авторство на еконмскиот истражувач Бранимир Јовановиќ може да ја преземете на следнив ЛИНК
Промоцијата се одржа на 10 февруари (петок), со почеток во 12 часот во просториите на КСП Центар Јадро.
Во разговор со Јовановиќ, на промоцијата, зема збор и културниот работник и активист Теодор Целакоски (Хрватска).
Дискусијата ја модерираше културната работничка и историчарка на уметност Тијана Ана Спасовска.
Бранимир Јовановиќ е економски истражувач на Виенскиот институт за меѓународни економски студии. Поле на интерес му се социјалните аспекти на економијата, како сиромаштијата, нееднаквоста, работничките права, социјалните политики, јавните финансии, даночењето.
Бил професор на Институтот за општествени и хуманистички науки во Скопје, советник во Министерството за финансии и аналитичар во Народната банка. Магистрирал на Универзитетот „Стафордшир“, Англија, а докторирал на Универзитетот „Тор Вергата“ во Рим, Италија. Бил активен во повеќе движења за социјална правда, како Левичарското движење „Солидарност“, движењето „Протестирам“ и Независниот академски синдикат.
Најистакнатата и најуспешната кампања ја мобилизираше цела Хрватска – петицијата за референдум против педесетгодишната концесија на автопатиштата собра повеќе од половина милион потписи за две недели, што ја натера тогашната влада да се откаже од обидите за приватизација на автопатиштата. Во 2014 година Теодор ја добил наградата која ја доделува Европската културна фондација Принцеза Маргриет. Во 2017 година учествувал во иницирањето на општинската политичка платформа Zagreb je NAŠ! а во 2019 година во политичката платформа Možemo! каде што работи како координатор. На локалните избори во Загреб во 2021 година, тој беше избран во градското собрание во функција на потпретседател.
