Skip to main content

Читачка група – иницијатива за критичко мислење | Воведно јавно предавање на Катерина Шекутковска

Registrations have closed.
Читачка група – иницијатива за критичко мислење | Воведно јавно предавање на Катерина Шекутковска

Читачка група – иницијатива за критичко мислење | Воведно јавно предавање на Катерина Шекутковска

by
1580 1580 people viewed this event.

Читачка група –иницијатива за критичко мислење

Воведно јавно предавање на Катерина Шекутковска
16 април (вторник) | 19.00 часот

Тема за читачката група во 2024 ќе биде „Феминизам и студии за животните.“ Во продолжение на циклусот средби на читачката група која постои од 2021 година и се занимава со анализа на современи теориски идеи, КСП Центар-Јадро и во 2024 година ќе формира група на читатели кои јавно ќе дискутираат на тема од актуелната културолошка и социолошка теорија. Како и во изминатите години, фокусот на истражувањето е насочен на текстови кои не се издадени на македонски јазик и/или ретко се тематизираат. Јавниот карактер на настаните цели кон отворање на овие идеи и теми, но и кон културата на дискусија за пошироката публика па така и оваа година ќе ја поттикнеме заедницата да партиципира на средбите кои ќе се одржуваат во просториите на Центарот. Своите анализи и заклучоци групата ќе има можност да ги комуницира со заедницата преку јавните дискусии, а на крајот на работниот процес, најредовните учесници ќе напишат текстови за темите кои ќе бидат во фокусот на средбите. Потоа, текстовите ќе бидат објавени на веб-сајтот на КСП Центар-Јадро.

Катерина Шекутковска (Скопје, 1988) го стекнува додипломското образование на Филолошкиот факултет „Блаже Конески“ во Скопје при катедрата за германски јазик и книжевност. По едносеместралниот престој на Универзитетот во Констанц (Германија) таа ги започнува своите постдипломски студии на катедрата за германска книжевност и медијација на книжевноста на Универзитетот во Бамберг (Германија). По завршување на практичниот дел од докторските студии (посетување на предавања, колоквиуми и конференции) како и по неколку годишната соработка како научен истражувач и предавач на Универзитетот во Бамберг, таа моментално работи на својата докторска дисертација како и на преведувачки и истражувачки проекти. Во 2022 година таа ја основа издавачката куќа „Илика“ каде фигурира како главна и одговорна уредничка. Во фокусот на нејзината работа стои интердисциплинарноста која произлегува од повеќегодишното академско искуство и практичната работа во полето на издаваштвото и театарот. За време на тригодишната работа како претставничка на докторадите на школата за книжевност, култура и медиуми при Универзитетот во Бамберг таа организирала читачки кружок за теориска литература и салонски дискусии во чии рамки се тематизирале феномени и проблематики кои произлегуваат од пресекот помеѓу теоријата и уметностите. За својата работа како академска истражувачка и преведувачка таа е добитничка на повеќе стипендии (двократно стипендистка на ДААД, истражувачка стипендија „РАДИАЛ“ за преведувачи, резеденцијална стипендија од ЛЦБ Берлин итн.).

 

Additional Details

Project Title -

Project -

 

Date And Time

2024-04-16 @ 19:00 to
2024-04-16 @ 21:00
 

Location

-
 

Event Category

Share With Friends