
ИЗЛОЖБА | Кадри на ранливост
Кадри на ранливост
Изложба на аудио-визуелна инсталација во рамки на колективниот проект на Наташа Неделкова, Амир Карахасан и Миле Неделков
7 јуни (петок) | 20.00 часот
Фокусирајќи се на маргинизираните граѓани кои живеат со шизофренија, проектот ја истражува идејата на заедништво и солидарност преку партиципативен пристап во создавањето уметност.
Проектот се состои од истражувачки дел и колективна креација на аудио-визуелна инсталација. Повикувајќи се на современите уметнички и теоретски студии на теми инвалидитет, шизофренија, грижа и ранливост, проектот се бави со овие рамки на „попреченост“ со цел да пружи отпор кон нормативното дискриминирање на различностите.
Партиципативниот проект „Кадри на ранливост“ е дело на визуелната уметница Наташа Неделкова, а се реализира во соработка со Амир Карахасан (визуелен уметник и графички дизајнер) и Миле Неделков (камерман).
Овој проект се реализира во рамки на програмата Артс Хаб, на КСП Центар-Јадро, а се остварува со финансика поддршка на Фондацијата Отворено општество – Македонија.
Additional Details
Project Title -
Project -




