
Поетиката на периодиката | Работилница за креативно пишување на „Дума ин Сума“
Поетиката на периодиката
Работилница за креативно пишување на „Дума ин Сума“
17 – 19 и 24 јуни
Весници, весници…
Распустот е добро време да се влезе во филм, а Дума ин Сума реши да влезе во оној на Александар Ѓурчинов…
Ова лето го одбележуваме со нурнување, не во солено море, туку во слатката поетика на библиотечната периодика.
Како ви звучи ова?
Преку „Поетиката на периодиката“, ќе истражуваме нефикционални книжевни форми и поинакви реалности – минати, подзаборавени, сегашни, но секогаш актуелни.
Колумни, интервјуа, репортажи, патописи, стрипови, вицови, Драга Таа…. Летните распусти секогаш нѐ прават помалку копнежливи по времињата кога пред трафика го чекавме новиот број од списанието што содржеше постер од омилената филмска ѕвезда, квизови, содржини на наредните епизоди од сериите, решенија за љубовните проблеми, но и информативни содржини.
На работилницата ќе каснеме и пораснеме од носталгичниот шарм на списанијата и весниците од кои ќе се инспирираме да креираме нови и нови и нови содржини за неистражените дигиталните хоризонти, а ќе научиме и нови вештини. Правилото на ова работилница е: „WordPress does not make me depressed“.
Ќе учиме КОЈ?, ШТО?, КОГА?, КАДЕ? и КАКО?, а најмногу ЗОШТО?… Но, фино е да се запамети – линијата меѓу фактот и фикција е потенка, но и поостра од хартијата на дневниот весник 😉
Летото асоцира на нови искуства и патешетвија, па на пријавените им ветуваме одблиску запознавање со поетиката на периодиката и посета на локална библиотека, каде ќе истражиме нови, скриени светови полни со ретки периодики, разгледници, ракописи, мапи, фотографии, картографии, каталози, ориентални ракописи, списанија за култура и уметност.
Како Дума ин сума веруваме во начелото дека знаењето е треба да е подеднакво достапно за сите, па пријавените на работилницата ќе добијат и своја годишна членска картичка во локална библиотека.
По многу читање, пишување и патување, работилницата ќе ја заокружиме со уредување на списание за млади и негова промоција.
Ќе биди супер, ве очекуваме <3
Additional Details
Project Title -
Project -




