Skip to main content

„Еластично насилство“ , Самостојна изложба на Јован Јосифовски | дел од фестивалот КВИР-ХРОНОПОЛИТИКИ: Историја, афекти, утопии | Skopje Pride Weekend 2023

Registrations have closed.
„Еластично насилство“ , Самостојна изложба на Јован Јосифовски | дел од фестивалот КВИР-ХРОНОПОЛИТИКИ: Историја, афекти, утопии | Skopje Pride Weekend 2023

„Еластично насилство“ , Самостојна изложба на Јован Јосифовски | дел од фестивалот КВИР-ХРОНОПОЛИТИКИ: Историја, афекти, утопии | Skopje Pride Weekend 2023

by
866 866 people viewed this event.

Еластично насилство е изложба која нуди поинаква перспектива на чинот, последиците и асоцијацијата за семејното/физичкото насилство врз квир мажите кај коишто изразувањето на секуалната ориентација и ненормативниот родов израз се видливи уште од рана возраст. Како референца во своите дела, Јосифовски ги користи насилните ситуации кои датираат од неговото детство. Дополнително, во процесот на уметничко истражување поврзано со подготовката на оваа изложба, Јосифовски собира искуства и од двајца постари геј мажи коишто анонимно ги раскажуваат своите приказни, со што се обидува да воспостави и трансгенерациски релации како критички контрапункт на хомонормативните идеали на младоста, од една страна, и на линеарните наративи за прогрес кои гледаат со срам на минатите искуства на плакарот и „назадните чувства“ специфични за овие историски искуствата. Во трите наративи во прво лице, насилството е асоцирано со конкретен предмет присутен во моментите на насилниот акт, како објект со кој се нанесуваат физички удари. Детски играчки, земјоделски алатки и обични перници за спиење – сите овие предмети создадени за очигледната употреба веќе одамна, добиваат нова функција и ново значење во просторот, како предмети кои засекогаш оставаат двосмислено значење во перцепцијата кај поединците. Во рамки на изложбата, различни предмети, се преуредени во просторотна тој начин што создаваат облак на асоцијации со цел да се создаде афективна атмосфера која ја евоциранегативната конотација на предметите. Односно, инсталацијата создава простор преку кој предметите се истакнуваат во физичкиот свет со своите нови улоги, доминирајќи го простор во кој нема нити место нити желба за нешто повеќе. На тој начин предметите стануваат фрагмент врзан за искуството на сопствената сексуалност, за казната, за релациите, за влијанието, за сѐ она добро што можело да се случи, а не се случило. Истовремено, Јосифовски ги поставува како естетски форми во кои јазот помеѓу концептот и имагинацијата, функцијата и играта, ја отвора можноста за транфигурација, и спротиставени, но одговорни читања, со коишто истовремено е соочена и публиката.

Јован Јосифовски (роден 1993 во Ресен) е дипломиран графичар, кој главно работи колажи и цртежи. Работи секојдневно, па така неговите дела претставуваат архивирање во слики на неговите мисли, стравови и ставови. „Многу често почнувам од идеја за нешто премногу лично, а завршувам со нешто премногу актуелно“ – вели тој. Неговите колоритни и директни колажи обработуваат политички, религиски теми, и целат кон провокација и протест. Доаѓа од Ресен од изразено конзервативна средина, а е припадник на ЛГБТИ заедницата, па така темите за религијата и политиката го засегаат и лично. ЛГБТИ заедницата кај нас е многу мала, а тоа што е видливо од ЛГБТИ заедницата е уште помало, затоа што огромен дел од заедницата е закопана под патријархалните и конзервативните општествени норми. „Сè што правиме го гледаат луѓе од нашиот круг и многу е тешко да се појави некој што е од другата страна и да види што се случува“, смета Јован. Според него треба да се биде директен и конкретен, бидејќи во таква средина, метафоричното нема да се разбере. И смета дека треба изложби, како неговата изложба „Низ ножици“ во Комитет, Скопје, 2020 г., да се случуваат и во други градови, бидејќи смета дека „оваа изложба во Ресен би имала поинаква реакција.“ Фасциниран од работите што не ги сака, кои го ужаснуваат или од коишто се плаши. Неговите дела го имаат влијанието на модната илустрација и поп-артот, како и инспирацијата од крими-романите што сака да ги чита.

 

Additional Details

Project Title -

Project -

 

Date And Time

2023-06-08 @ 20:00 to
2023-06-17 @ 22:00
 

Location

-
 

Event Types

 

Event Category

Share With Friends