Skip to main content

Култренинг | “Taming the Wild” | Работилница за кореографија и танц | Тереза Лазарев

Registrations have closed.
Култренинг | “Taming the Wild” | Работилница за кореографија и танц | Тереза Лазарев

Култренинг | “Taming the Wild” | Работилница за кореографија и танц | Тереза Лазарев

by
810 810 people viewed this event.

7.10.2023 (сабота)
18.00 ч. – 20.00 ч.

ЛОКОМОТИВА – Центар за нови инцијативи во уметноста и културата ве кани да ја проследите втората серија на  работилници за современ танц и движење КУЛТРЕНИНГ – „Taming the wild“ работилница за кореографија со Тереза Лазарев во КСП Центар – Јадро. Работилницата е бесплатна и отворена за учесници со или без танцувачко искуство.

Пријавете се на [email protected], до 07.10.2023 бројот на учесници е ограничен. Ве молиме понесете удобна и лесна облека.

Локомотива континуирано организира часови по современ танц за заедницата – Култренинг. Во соработка со локални и поканети регионални и меѓународни кореографи и танцови уметници, во различни простори во градот се организираат отворени часови, отворени за сите заинтересирани граѓани, без разлика дали имаат некое претходно познавање од современиот танц.

Работилницата „Припитомување на дивото“ со Тереза Лазарев на учесниците им нуди истражување на танцот и работа преку мултидимензионални методи на кореографија и танц.

Оваа работилница има за цел да ја поттикне анималноста во нас преку отелотворување на слики, работа со допир и пишување и споделување. Како можеме да ја ослободиме анималноста во нас? Што би требале да поканиме за да дозволиме нашето животно да збори? Ќе предложиме разни слики со кои преку имитација ќе си дозволиме да си играме, како и да се трансформираме. Преку работа со партнер ќе научиме како да следиме и водиме. Ќе работиме свесно, обрнувајќи внимание на просторот како и на луѓето околу нас. Ќе работиме сами, со партнер и во група. Ајде да дојдеме отворени, ајде да дојдеме љубопитни, ајде да си играме.

Тереза Лазарев е танцова уметница кој работи во полето на современиот танц. Тереза завршува академија за современ танц под менторство на Рисима Рисимкин на универзитетот “Гоце Делчев” во Штип. Тереза има соработувано со кореографи како: Александра Петрушевска, Искра Шукарова, Јотам Палед, Карин Понтис, Ивана Балабанова и други. Има настапувано на фестивали како: Holland Dance Festival во Хаг (Холандија), Share во Братислава (Словачка), Silk Road во Пекинг (Кина) и многу други. Тереза моментално живее и работи во Скопје каде држи часови за современ танц за деца. Тереза се интересира за танц кој е див, сиров, инстинктивeн, кој може да раскаже некаква приказна.

_____

Работилницата е дел од програмата „Култренинг” на Локомотива реализиранa во соработка со КСП Центар – Јадро.

Фотографија на Ања Калин.

Тимот на Локомотива го сочинуваат програмскaта директорка Биљана Тануровска- Ќулавковски, проектната менаџерка Емилија Чочкова, соработничката Зорица Зафировска, администраторката Ѓурѓица Христовска и ПР Јулијана Младеновска.

Програмата Култренинг е креирана од Локомотива и поддржана од Министерството за култура на РС Македонија.

Additional Details

Project Title -

Project -

 

Date And Time

2023-10-07 @ 18:00 to
2023-10-07 @ 20:00
 

Location

-
 

Event Category

Share With Friends