
Разговор со Карен Јес, авторка на монодрамата „Мачката Елеонора“
Разговор со Карен Јес, авторка на монодрамата „Мачката Елеонора“
25 октомври (петок) | 20.00 часот
Издавачката куќа „Илика“ во соработка со Здружението за германско-македонска соработка и развој и Гете институт Скопје срдечно Ве канат на промоција на монодрамата „Мачката Елеонора“ на германската авторка Карен Јес во петок 25.10. во 20 часот во просториите на Центар-Јадро. Низ разговорот со авторката ќе се обидеме да му се приближиме на овој современ драмски текст враќајќи се наназад кон процесот на неговото создавање, применетите драмски постапки, како и кон изборот да се претстави еден специфичен вид на идентитетска трансформација.
„Така е, немам опашка, а имам стапала и говор, тоа е точно. Тоа не е доказ за постоењето како човек“, му вели Елеонора Гарацо на својот терапевт и решава дека од денес натаму: таа е мачка. Монодрамата „Мачката Елеонора“ на Карен Јес е преплетена со слични остроумни реплики, поетично опишани сензации и протестни императиви со кои агентката за недвижнини Елеонора Гарацо конечно ја повлекува линијата помеѓу себе и светот. Кохезијата од прашања поврзани со трудот и работата, родовиот идентитет како и одржливоста и конзумеризмот во „Мачката Елеонора“ нѐ канат да ги преиспитаме сопствените позиции и влеваат храброст преку претставениот чин на радикално отфрлање на реалноста.
Additional Details
Project Title -
Project -




